Se queres ver as fotos pincha aquí
O cabo de Gata é un cabo localizado no sur da península Ibérica, fronte ao mar Mediterráneo, pertencente ao municipio de Níjar, na provincia de Almería, Andalucía. O cabo e a súa zona de proximidade forman parte do Parque Natural do Cabo de Gata-Níjar.
Tolomeo refírese ao cabo de Gata coma Charidemou Acra, que significa "o que o vento levou á beira do mar".
Con posterioridade, Aviano, na súa Ora maritima refírese a el como Iugum Veneris (Cabo de Venus), en referencia á deusa de orixe tartesa que os romanos identificaron con Afrodita. Para venerala levantaron un templo no Cerro da Testa.
A abundancia de ágatas no terreo, que dera lugar ao nome fenicio, fixo retomalo durante a Idade Media, sendo coñecido como Cabo das Ágatas. Por contracción fonética, acabou impoñéndose o que é empregado na actualidade.
O faro foi construído en 1863, ten 18 metros de altura, con escintileos cada 30 segundos a máis de 50 metros sobre o nivel do mar, onde se pode observar desde 30 millas de distancia. No século XX acompañouse coa casa do faro e outras instalacións arredor.
Ningún comentario:
Publicar un comentario