Buque hospital Gil Eannes, Viana do Castelo

 

Se queres ver as fotos pincha aquí

Entre 1955 e 1973, o buque hospital Gil Eannes foi o buque insignia de "frota branca" portuguesa da pesca do bacallau nas augas de Terranova e Groenlandia. 

Durante os anos de servizo, o buque foi máis aló dos seus labores como buque hospital, realizou, tamén, tarefas de autoridade marítima, buque correo, remolcador, rompexeos e de subministración aos outros barcos da frota. 

Tras a súa baixa do servizo activo, o buque foi abandonado e amarrado en 1984 en Lisboa. A Cámara Municipal de Viana do Castelo decidiu rescatalo e recuperalo, e desde agosto de 1998 o buque permanece amarrado no porto desta cidade funcionando como buque museo e albergue para mozos.

Ermida rupestre de Arroyuelos, Cantabría

 Se queres ver as fotos pincha aquí

A planta desta ermida é irregular aínda que con tendencia a ser cuadrangular. A porta de acceso dá paso, a través dun corredor en forma de túnel, á primeira planta. 

Ten un alicerce cadrado do que saen catro arcos que permiten o apoio do teito. O arco triunfal é de ferradura e a ábsida ten bóveda de forno, coa planta de ferradura. Todo este piso inferior ten un banco corrido encostado. 

Do lado sur do testeiro parte a escaleira cara ao piso superior. O piso superior consta, na actualidade, dunhas tribunas abertas ao exterior no muro sur da igrexa e dunha cámara, agora colgada, practicada no ángulo N.Ou. da igrexa. 

A única xanela atópase aberta no piso superior e actualmente atópase case cegada por un muro moderno de cachotería. No exterior advírtense pegadas dalgún tipo de construción realizada en madeira, quizais un soportal, ademais de varias sepulturas escavadas en roca.

https://es.wikipedia.org/wiki/Iglesia_de_Arroyuelos

Igrexa rupestre de Santa María de Valverde, Valderredible, Cantabria

Se queres ver as fotos pincha aquí

A igrexa rupestre de Santa María de Valverde, no termo municipal de Valderredible, Cantabria, foi declarada Ben de Interese Cultural.  

Esta igrexa é un dos exemplos máis destacados da arte rupestre de Valderredible. Trátase dunha igrexa rupestre, isto é, directamente tallada na rocha arenisca, o que supón aproveitar a xeoloxía do val do Ebro para realizar construcións relixiosas. A cronoloxía deste tipo de manifestacións rupestres do sur de Cantabria pode ser da Alta Idade Media. 

Algúns autores avogan pola orixe destes templos prerrománicos en época visigótica por inscricións aparecidas noutras igrexas, cunha cronoloxía anterior ao ano 711 en que se inicia a conquista árabe. 

A igrexa de Santa María de Valverde é a máis grande destas manifestacións. Aínda se usa como templo parroquial. Na parte exterior ten unha espadana de época románica e, como ocorre noutras manifestacións rupestres de Valderredible, hai tumbas altomedievais escavadas na roca. No interior, ten dúas naves, separadas por alicerces cadrados e cuberta parecida a unha bóveda de canón.

https://es.wikipedia.org/wiki/Iglesia_rupestre_de_Santa_Mar%C3%ADa_de_Valverde

San Martín de Elines, Cantabria

Se queres ver as fotos pincha aquí

San Martín de Elines, Cantabria, pertenceu a un mosteiro mozárabe do século X (queda algún resto no claustro), logo pasou a ser colexiata e máis tarde parroquia. 

O templo é dunha nave con presbiterio e ábsida. No costado meridional hai unha  pouco habitual torre campanario cilíndrica. A igrexa pertence ás primeiras décadas do século XII e, por conseguinte, hai que encadralo nos anos do románico pleno.

Existe un pequeno claustro aos pés do templo con grandes columnas que foi reconstruído con material reutilizado no século XVI.

O claustro de Elines ten forma trapezoidal e atópase ao suroeste da igrexa. Nel quedan algúns arcos de ferradura correspondentes ás portas e ventás da primitiva igrexa mozárabe do século X. 

https://es.wikipedia.org/wiki/Colegiata_de_San_Mart%C3%ADn_de_Elines