Se queres ver as fotos pincha aquí
Se queres ver o vídeo pincha aquí.
A chegada e asentamento dos Suevos na Gallaecia, foi un proceso longo e complexo. Está comprendido entre os séculos IV e VI, e rematou creando o Reino Suevo no noroeste da Península Ibérica. Foi o primeiro reino bárbaro en Occidente, precedente dos reinos da Idade Media e xermolo da configuración política da Europa actual.
Os nomes dos Bárbaros, ou “Xermanos”, entre eles os Suevos, foron postos polo aparato político e militar romano, ao que chamaron “mundo bárbaro”, tinguindo máis de sombras que de luces a súa verdadeira dimensión histórica. Por conseguinte, debemos reestudar aos Bárbaros para tentar construír un relato que nos afaste do mito e nos achegue algo máis á súa realidade.
O reino Suevo (anos 411-585), durou máis dun século e medio nun ámbito territorial correspondente á provincia romana da Gallaecia e áreas lindeiras, neste territorio articulou un dominio político e territorial que lle permitiu configurar o primeiro reino independente no Occidente europeo posterior á época romana.
Deste pobo quedan vestixios que hoxe podemos observar na exposición chamada "In tempore Sueborum", instalada en Ourense, de onde proceden as imaxes.
Destaca o pelo recollido e a trenza que situaban á esquerda da cabeza.
Deste pobo quedan vestixios que hoxe podemos observar na exposición chamada "In tempore Sueborum", instalada en Ourense, de onde proceden as imaxes.
Destaca o pelo recollido e a trenza que situaban á esquerda da cabeza.
Ningún comentario:
Publicar un comentario