O Mosteiro de Santa Maria da Vitoria, tamén chamado Mosteiro da Batalha é unha das obras máis importantes da arquitectura portuguesa e mesmo europea.
Este conxunto arquitectónico foi o cumprimento dunha promesa feita polo rei D. João I en agradecemento pola vitoria en Aljubarrota, batalla que tivo lugar o 14 de agosto de 1385 e que asegurou a independencia de Portugal.
As obras prolongáronse por máis de 150 anos, a través de varias fases de construción. Esta duración posibilitou a mostra das distintas solucións e tendencias artísticas, góticas (a que predomina), manuelinas e algunhas mostras de estilo renacentista.
Varias dependencias foron introducidas no proxecto inicial, que tivo como resultado un conxunto monástico que actualmente presenta: unha igrexa, dous claustros con dependencias anexas e dous panteóns reais, a Capela do Fundador e as Capelas Imperfectas.
E Monumento nacional e Patrimonio da Humanidade dende 1983.
Se queres ver as fotos pincha.
Ningún comentario:
Publicar un comentario