Se queres ver as fotos pincha aquí
A igrexa de San Pedro da Rúa en Estella (Navarra) está situada fronte ao museo Gustavo de Maeztu, onde hai unha escaleira que leva á parte dianteira deste monumento.
Nos seus capiteis e arquivoltas atopamos unha decoración de carácter vexetal, xeométrico e figurado. Nas xambas das portas unha figuración de orixe clásica e tipo escatolóxico, cunha serea, centauro, arpías e grifóns.
O interior presenta formas construtivas orixinadas do último cuarto do século XII, de cando se conserva a cabeceira do templo. As naves son do século XIII e a fiestra gótica de tracería, situada no muro norte da igrexa, no seu primeiro corpo e dentro da torre, do século XV.
O claustro, de planta cadrada e do que só se conservan as galerías occidental e norte, está datado arredor do ano 1170. Os seus capiteis, de primeira orde en canto a calidade escultórica, acollen as mans de diferentes artistas que nos amosan a importancia do Camiño de Santiago na difusión de novas formas estéticas, como formas simbólicas de animais (arpías, sereas aladas, esfinxes) e vexetais.
Ningún comentario:
Publicar un comentario