Naveta des Tudons

 Se queres ver as fotos pincha aquí.

Está situada a poucos Km. de Ciutadella, Menorca, a Naveta des Tudons está considerada como un dos xacementos arqueolóxicos máis destacados e representativos da illa, e de todo o arquipélago Balear, un dos monumentos mellor conservados.

É un monumento con máis de 3.000 anos de antigüidade. Erixido uns 1.000 anos ANE. durante o período talayótico, a Naveta des Tudons foi construída con fins funerarios para dar sepultura a un gran número de persoas, que con toda probabilidade formaron parte dun mesmo colectivo.

Durante as escavacións que se realizaron no interior do monumento, foron achados restos humanos de polo menos 100 individuos distintos acompañados de diversos obxectos persoais, tales como pulseiras de bronce, armas, potas, botóns de óso e restos de cerámicas que quizais albergasen pequenas ofrendas aos defuntos.