A casa onde medran os versos
A casa e o seu contorno amurallado,
erguidos con paciencia e sentidiño
eran un mundo antigo e pequeniño
e un feliz universo desexado…
A casa e o seu contorno ben cercado,
no que a vida corría de mansiño,
tiña a quentura tépeda dun niño
e as ríxidas fronteiras dun estado.
A casa : matria, patria, fundamento
do desacougante drama do existir,
alegre ás veces e outras tristurento.
A casa é para nacer, para vivir.
E deixarlle en herdo o último alento
cando, á forza, teñamos que partir.
Ningún comentario:
Publicar un comentario