Se queres ver as fotos pincha aquí.
Se queres ver o vídeo pincha aquí.
O Fuciño do Porco, é o nome co que coñecen os mariñeiros da zona da entrada da ría de Viveiro, Celeiro á punta Socastro, dado o parecido que presenta co Fuciño desta animal, está situado entre as praias de Abrela e San Román.
Pode accederse dende a praia de Abrela, o camiño máis curto, pódese chegar en coche ata o aparcamento onde comeza unha pista forestal de 1,3 km de recorrido a facer a pé. Tamén se pode aceder dende a praia de San Roman, despois de realizar unha importante subida ao Monte que o rodea.
Os dous camiños desembocan nun tramo de 400m de pasarela entre acantilados que permiten o acceso a unha pequena baliza marítima que marca o extremo occidental da ría de Viveiro.
Esta Punta Socastro, de orixinal xeometría, adéntrase no mar o que permite observar as fermosas paisaxes deste parte do Cantábrico. A Enseada da Pereira e a illa Coelleira cara o Oeste. O illote da Gaveira, o Monte Faro e a praia de Area (no extremo Oriental da ría de Viveiro) e a enseada de Esteiro (en Xove) cara o Leste.
Ningún comentario:
Publicar un comentario