Pals, Girona

 Pals posúe un casco histórico medieval onde destaca a torre románica construída entre os séculos XI e XIII, coñecida como a Torre das Horas.

Dentro do barrio gótico da vila hai rúas empedradas e arcos de medio punto, fachadas con fiestras apuntadas e balcóns de pedra.  

A muralla da cidade está formada por catro torres cadradas que datan do século IV.  

O miradoiro de Josep Pla (desde onde se contemplan os campos do Ampurdán e as illas Medas), a Praza Maior, os túmulos da rúa Maior e a igrexa de San Pere son outros dos puntos turísticos da cidade.  Tamén hai un Museo de Arqueoloxía.

Pals, Girona

Se queres ver as fotos pincha aquí. 

Se queres ver o vídeo pincha aquí.

Pals, é un conxunto monumental histórico antigo, formado polo castelo, a vila e as murallas. 

Malia que non hai vestixios de época romana, o seu nome evoca esa orixe, Pals provén do latín "Palus" que significa lugar pantanoso, e o castelo chamábase "Castellarum Montis Áspero". Tamén podería ter a horixe na deusa Palas Atenea, como Palau, Palencia... 

O castelo de Pals foi documentado por primeira vez en 889 co nome de castelo de Mont-Áspre doado polo rei Odón I de Francia. 

 Entre o ano 1380 e o 1482 estalan varias revoltas de campesiños chamadas Guerra dos Remensas que culminan coa guerra civil catalá contra Juan II. A raíz deste conflito o castelo quedou moi danado.