Cerveza, Múnic, Baviera, Alemania

Se queres ver as fotos pincha aquí

Alemaña é un dos países máis consumidores de cervexa e tamén un importante produtor. 

A cervexa alemá máis popular é a pilsner, cun 70 por cento do mercado no norte de Alemaña. Unha de cada catro cervexas en Baviera é unha lager pálida chamada helles, seguida de preto pola pilsner e a típica cervexa de trigo bávara coñecida como weissbier. 

A cervexa é, na gastronomía alemá, un acompañamento natural dalgúns pratos, deste xeito en moitas especialidades bávaras non se entende o prato sen un tipo especial de cervexa (como no caso das cebolas ao estilo Bamberg que se toman cun Rauchbier. 

 As variedades de cervexa alemá son innumerables (uns 5.000 tipos diferentes de cervexa), cada cidade ten o seu propio estilo e non é raro atopar cervexa artesanal nalgunhas cidades, ou incluso clubs cunha longa tradición de elaborar cervexa ao seu estilo. 

Marienplatz, Múnic, Baviera, Alemania

Se queres ver as fotos pincha aquí

A praza central de Múnic, coñecida como Marienplatz, foi o centro da cidade dende o seu nacemento. 

Foi sede de importantes eventos públicos e festas desde tempos inmemoriais, xa sexan celebracións, torneos ou execucións. 

Novo Concello de Múnic, construído nun estilo neogótico, este edificio moi ornamentado é un dos máis distintivos de toda a cidade. É posible subir á cima da súa torre que contén un Carillón que toca todos os días ás 11:00, 12:00 e 17:00 (varía segundo a hora). 

As figuras a tamaño real que compoñen este Carillón, interpretan o "Cooper's Dance" ao son dunha agradable melodía que conmemora o acto que tivo lugar en 1517 para celebrar o final da peste. 

Antigo Concello de Múnic, con máis de 500 anos ás súas costas, aínda conserva o seu agradable aspecto gótico e un sorprendente interior medieval. 

Fischbrunnen, deseñada en 1864 e reconstruída despois da Segunda Guerra Mundial, esta pequena fonte é un dos puntos de encontro máis populares da cidade.