Dolmen de Maus de Salas

Dolmens de Maus de Salas. Estas construcións megalíticas podémolas situar cronoloxicamente entre os anos 3500 a 2000 aC. Son monumentos funerarios formados por pedras fincadas no chan e cubertas por laxas de gran tamaño. Constan dunha cámara onde se colocaba ao defunto co enxoval funerario, consistente polo xeral en machadas, puntas de frecha, cerámica, etc. Finalmente, cubríase a modo de túmulo.
Están situados no Val do Salas, unha paisaxe prehistórica onde hai 5000 anos  estableceronse as primeiras persoas que se adicaron a agricultura ea gandería. Estas comunidades da sociedade neolítica ergueron estes monumentos funerarios, deixando testemuña dun incipiente culto relixioso.
Están situados á veira da presa do Salas, a “Casiña da Moura”, o que está situado á entrada da pista que descorre por encima da parede do encoro, foi trasladado do seu emprazamento orixinal cando se construíu a presa a finais da década dos 60 do século XX. Ó outro lado do muro de formigón sitúase o outro dolmen chamado “Casola do Foxo”, este conxunto está rodeado dunha fermosísima paisaxe de auga e picos montañosos. Moi preto atópase a poboación de Maus de Salas, onde poderemos beber auga fresca e contemplar unha mostra da Arte Popular, un cruceiro de pedra. Tamén conta cunhas modernas instalacións hostaleiras.